Zec 2 | TpiKJPB | STEP | ¶ Mi litimapim tupela ai bilong mi gen, na lukluk, na lukim, wanpela man i gat wanpela rop bilong mitaim long han bilong em.

Zechariah 2

1 ¶ Mi litimapim tupela ai bilong mi gen, na lukluk, na lukim, wanpela man i gat wanpela rop bilong mitaim long han bilong em. 2 Nau mi tok, Yu go we? Na em i tokim mi, Bilong mitaim Jerusalem, bilong luksave long brait bilong en em i wanem, na longpela bilong en em i wanem. 3 Na, lukim, dispela ensel i toktok wantaim mi i go ausait, na narapela ensel i go ausait bilong bungim em. 4 Na em i tokim em, Ran, toktok long dispela yangpela man, i spik, Bai ol man i stap long Jerusalem olsem ol taun i no gat ol banis, long wanem, em i gat planti manmeri tru bilong ol man na ol bulmakau samting insait long en. 5 Long wanem Mi, BIKPELA i tok, bai stap bilong em olsem wanpela banis bilong paia raun nabaut, na Mi bai stap glori insait long namel bilong em. 6 ¶ Ho, ho, kam ausait, na ranawe na lusim hap bilong hap not, BIKPELA i tok. Long wanem, Mi bin opim yu i go ausait olsem fopela win bilong heven, BIKPELA i tok. 7 Kisim bek yu yet, O Saion, husat i sindaun i stap wantaim pikinini meri bilong Babilon. 8 Long wanem, BIKPELA bilong ol ami i tok olsem, Long bihainim glori Em i bin salim mi go long ol kantri husat i kisim ol kago bilong yu. Long wanem, em husat i tasim long yu i tasim kiau bilong ai bilong Em. 9 Long wanem, lukim, Mi bai seksekim han bilong mi antap long ol, na ol bai stap wanpela kago bilong pait long ol wokboi bilong ol. Na yupela bai save long BIKPELA bilong ol ami i bin salim mi. 10 ¶ Singim song na wokim amamas tru, O pikinini meri bilong Saion. Long wanem, harim, Mi kam, na Mi bai stap insait long namel bilong yu, BIKPELA i tok. 11 Na planti kantri bai stap pas wantaim BIKPELA long dispela de, na ol bai stap lain manmeri bilong Mi. Na Mi bai stap insait long namel bilong yu, na yu bai save long BIKPELA bilong ol ami i bin salim mi i kam long yu. 12 Na BIKPELA bai kisim Juda, hap skel bilong Em bilong samting papa i givim pikinini, insait long hap graun holi, na Em bai makim Jerusalem gen. 13 Pasim maus, O olgeta bodi, long ai bilong BIKPELA. Long wanem, Em i kirap ausait long ples holi bilong Em bilong stap.